126                                                   REGISTRES DU BUREAU                                                [i548]
CXLIV [XCIII]. — [Lettres patentes portant exemption d'impôts
EN FAVEUR DE GUILLAUME POSTEL, NAGUERE PROCUREUR GENERAL AU CONSEIL PRIVE.]
20 avril i548. (Fol. 108.)
Du xx0 jour d'Avril mil vc xlviii, après Pasques.
Aujourd'uy ont esté apporté au Bureau de la ville de Paris certaines lettres patentes du Roy, par Ger­main Boursier, de Paris, dont la teneur ensuit :
"Henry, parla grace de Dieu, Roy de France, à tous ceulx qui ces presentes lettres verront, salut. Combien que, en consideration des biens et recom­mandables services faictz par nostre amé et feal conseiller, MeGuillaume Postel, s'desFourneaulx'1), lant aux charges et estatz, qu'il a euz de nous avant nostre advencment à la couronne, que depuis, en l'office de nostre Procureur general en nostre Privé Conseil, nous, en actandant que, en rescompence de sond, office de nostredict Procureur general, lequel nous avons nagueres supprimé, il aict esté pourveu de semblable ou meilleur office, ainsi que desirons et voullons faire, luy aions, par autres noz lettres patentes, delaissé et ordonné la somme dehuictcens livres tournois, par forme de bien faict et pension annuelle, et que nostre intention aict esté que, en contemplation du lieu qu'il a tenu près de nous et de nostredict Conseil, il joisse à tousjours des exemptions, libériez, franchises et immunitez, soit d'empruntz generaulx et particulliers, paiement de soldes et autres charges, exactions et impostz, et de tous previlleges dont les gens de nostre Privé Con­seil, commensaulx, familiers etdomesticquesjoissent, à cause de leurs estatz; neantmoings est à doubter que, ne joissant plus nostredict Conseiller de sond, office de nostre Procureur general, ainsi supprimé, les gens des villes et lieulx ausquelz il a domicille, biens et revenu, le voulsissent empescher enla jois-sance desd, exemptions, libériez, franchises, immu­nitez et previlleges, s'il n'avoit de nous lettres ex­presses ;
" Nous, pour ces causes, en contemplation des biens et recommendables services que, dès longtemps, tant avant nostre advenement à la couronne que depuis, il nous a faictz, et en perpetuelle memoire du lieu qu'ila tenu près de nous et en nostre Privé Conseil, à
icelluy avons donné et octroié, donnons et oc-troions, voullons et nous plaist qu'il joisse à l'ad­venir de tous et chascun les previlleiges, fran­chises, libertez, exemptions et immunitez dont ont acoustumé joir et user noz domesticques et gens de nostre Conseil Privé, et ainsi qu'il faisoit par cy de­vant et feroict encores, tenant et exerçant led. office de nostre Procureur general en nostredict Conseil; voullons et nous plaist que, nonobstant la suppres­sion de sond, office, que ne voullons avoir lieu poul­le regard desd, previllaiges, franchises, libertez, exemptions et immunitez, il soit neantmoings tenu et reputé comme nostre commensal, famillier etdo-meslicque, et en ce l'avons retenu et retenons, de nostre certaine science, par ces presentes, pour ce signées de nostre main, par lesquelles nous mandons eteommectons au premier nostre huissier, ou sergent, que icelles il signiffié à tous Prevoslz, Eschevins, Conseillers et gouverneurs de villes, noz officiers et tous autres qu'il apartiendra, et dont par led. sr des Fourneaulx il sera requis, a ce qu'ilz n'en pre­tendent cause d'ignorance, leur faisant inhibicions et deffences, de par nous, de non y contrevenir au­cunement.
" Et si aucune chose avoient faicte, à ce contraire ou prejudiciable, qu'ilz le reparent et remectent à son premier estat et deu; car tel est nostre plaisir. Et pour ce que de ces presentes l'on pourra avoir affaire en plusieurs et divers lieulx, nous voullons que au vidimus d'icelles, faict soubz sceel royal ou seing de l'un de noz notaires et secretaires, foy soit adjoustée partout, comme au present original. En tesmoing de quoy, nous avons faict mectre nostre sceel àcesdiclcs presentes.
"Donné à Nogent sur Seine, le quinziesme jour d'Apvril l'an de grace mil cinq cens quarante huict, et de nostre regne le deuxiesme, v
Ainsi signé : "HENRY."
Et sur le reply desd, lettres : "Par le Roy, les cardinal de Guyse et duc d'Aubmale, le seigneur de
(') Il appartenait à une famille noble de l'élection de Conches, dans la haute Normandie, sur laquelle La Chesnaye-Desbois a réuni quelques renseignements généalogiques (Dictionnaire de la noblesse, t. XI, p. 453); il ne faut pas le confondre avec son homonyme, contemporain et compatriote, Guillaume Postel, professeur de mathématiques et de langues orientales au Collège de France, le célèbre érudit et visionnaire (i5io-i58i).